venerdì 26 febbraio 2010

"El Rundò de Sest" di Angelo Gaetano Spampinato


Ai temp antic de Renzo e Lusia

Sest de Munsa a l'era

una manada de casin e casinot

cunt i stall e cavalè,

sperdu tra i campagn de gran e furmentun,

de gels pien de mucui, e de urtaia.

Dera a gh'era la Milan-Munsa

pien de palta, cunt la riva alta.

Quand in rivà i caross a diligensa

s'è furmà una rutunda, visin la feruvia,

cunt i stall de sciur per el cambi di cavaii.

Sì, perchè da Milan a Sest eren quasi noeuf chilometri,

e altretant per Munsa, travers el vial di piant

del temp de Napuleun! (urmai i piant ien sparì)

La Rutunda l'han ciamada: el Rundò;

sì, perchè chi ghe sta frances, spagnel e tudesc,

persin i negher, cruat e altra gent

che cui milanes ghaveven nient!

Sia de fatu ch'el Rundò el se sgrandì,

cunt tantu de stasiun de feruvia, e de tram.

Poeu gh'han piantà un monument, che poeu han purtà via

per piasal de là de la feruvia!

In coeu la stasiun, al Rundò, l'è sparida,

perchè l'han rifada a lo scalo, de lusso.

Sest l'è cambià, cunt tantu de palass,

de strad, negosi, mercà, servisi, giardinett,

piass, stabiliment, cartei, banc e risturant.

E al post di tram

pàsen regiment de automobil

che fan un frecass d'infernu,

e al Rundò par che fan el carusel

tra el vial che vegn da a

e la braga di du vial per Munsa!

Tuta sta confusiun al post del furment,

e tanta, tanta gent

che se capiss pu nient!

Nessun commento:

Posta un commento